من طرف 
لو أقدر أغير حياتي تغيرت
وأكون أخر شخص ممكن أكونه
صعبة خياراتي وأنا ماتخيرت
مافيه أحد يختار دمعة عيونه
كبير لكني أبد ماتكبرت
كابرت لو قلبي تكاثر طعونه
أحيان أحس إني من الطيش كثرت
لاشفت عقلي يستريح ل جنونه
وأحيان أحس إني معي حيل قصرت
لامن وصلت ل حلمنا وطحت دونه
ياما على دروب امنياتي تعثرت
ما لان عزمي والدروب مغبونه
عليك ياحلمي بالايمان كبرت
سدد ديون اللي يسدد ديونه
ماعشت متضايق ولا قد تكدرت
من جرحي اللي ما أقدر أحياء بدونه
في واقعي مااتذكر إني تأثرت
الا ليا شفت العزيز بمهونه
في وقتها لو كان يمدي تغيرت
وأكون أي إنسان ممكن أكونه
شفت وشلون خلق الله تحب الكلام
قلتلك لاتصدق حكيهم ماقتنعت
لين ضيقت صدري بالعتب والملام
وانت يامأء حكولي عننك وما سمعت
جيتني وانت ودك بالزعل والخصام
باين اللي يبي السبه ولو ماندفعت
غيروك العواذل ~طعتهم ~ياحرام
عقب ماكنت مقبل بالمحبه رجعت
خلهم ينفعونك لاتزيد اتهام
من عرفتك مضره وانت عمرك نفعت
وين كلمه احبك وين ذاك الغرام
ليش نزلت قدرك عقب مانت ارتفعت
آآآآه ياقو قلبك لك عيونن تنام
تجرح اللي يحبك بالكلام وقطعت
كان لك قدر عندي وانتهى والسلام
غلطتي جيت كلي بالمحبه وضعت
