عشرين عام كلها أرجيك يا دباس" ="مثل الغرير اللي تولع بطيره

حبيت ان انقل لكم هذه القصيده لشاعر راشد بن دباس وهي جميله جدا موجهه الى ابنه عندما غاب ثمان سنين لطلب المعيشه تجاه عمان او الهند الله العالم .. وان شاء الله تحوز على رضاكم






ياونة ونيتها من خوى الراس" ="من لاهب بالكبد مثل السعيره
ونين من رجله غدت تقل مقواس"= "ويون تالي الليل يشكي الجبيره
وياحمس قلبي حمس بن بمحماس"= "وياهشم حالي هشمها بالنجيره
وياوجد حالي يا ملا وجد غراس"= "يوم اثمرت واشفا صفا عنه بيره
من ثمر قلبي سرا هجعة الناس"= "متنحر درب عسى فيه خيره
الله يفكه من بلا سو الاتعاس"= "ومن شر عبثات الليالي يجيره
فى ديرة تقطعت عنه الارماس" ="سبعين يوم للركايب مسيره
لاوالله إلاحال من دونه الياس" ="حط البحر والبر دون الجزيره
علق سلوان وراء العين والطاس" ="وقلبي على فرقاه تسمع فريره
يالله ياللي رد من عقب ماياس"="يوسف على يعقوب وابصر نظيره
ترد على أدباس يا محصي الناس"= "ياعالم ما بالخفا والسريره
يادباس أنا بوصيك عن درب الادناس" ="ترى الذي مثلك يناظر مسيره
عليك بالتقوى ترى العز يادباس"= "فى طاعة اللي ما ينجيك غيره
هذي ثمان سنين من رحت يادباس"="لا رساله جتني ولا من بريره
يادباس من عقبك ترى البال محتاس"= "وعليك دمع العين حرق نظيره
وعليك كنى فى دجا الليل حراس"= "أصبح على حيلي وعيني سهيره
أصبح انا مابين طاري وهوجاس"= "وطواري تطري علينا كثيره
مثل الوحش قلبي على كف حباس" ="يكفخ كما طير اسبوقه قصيره
متحير من عيله البيت يا دباس"= "ارجى ثواب الله وأخاف المعيره
أخاف من حكي العداء ثم الانجاس"= "أهل الحكايا الطايله والقصيره
ويقال خلا عيلته عن نزا الراس" ="أقفا وخلا عيله له اصغيره
والا فنا يا بوك قطاع الارماس"= "مانيب مثبور أو رجلي كسيره
أصلك لو دونك نبا حمر الاطعاس" ="الصلب والصمان دروب عسيره
مهالك مدارك ما بها أوناس" ="إلا الثعل والبوم تسمع صفيره
لو كنت فى نزوى وديرة بني ياس" ="أهل الموازى والوجيه الغبيره
عبادة الاصنام شرابة الكاس" ="الخمر والتنباك فيها وغيره
لاركب على وجنا من الهجن عرماس" ="فج النحر يادباس حمرا ظهيره
متروسه الفخذين مزبورة الراس"= "كن الخلاص اعيونها يوم أديره
ياشبه ربد تخفق بالاوناس"= "وان رفعت جنحانها مستذيره
تنشر من العوده على نور الانفاس"= "عند الفجر والليل مقفي مريره
والعصر بالصمان تسمع لها اضراس"= "حبل الرسن خطر تبتر جريره
ونهار ثالث بين حما الاوراس" ="وارأي أمك جعلها لك سفيره
ثم أركب ساقيه تقلب الراس" ="تمشي بهلها فى البحور الغزيره
إلى مسكت الفيحاء بها الخير محتاس"= "لولا الكفر والشرك ياوي ديره
فيها الطبيق وراهي الخبز يادباس"= "يقعد خوى الراس خنه خميره
هى ديرة اللي باغى كيفة الراس" ="ولا له حد همه من الناس غيره
هيس بذرى الاجواد لصحاف لحاس"= "يفرح الى نيدى لذبح العقيره
ذا ما قفك يادباس ما فيه نوماس"= "يصلح لقين مهنته طق زيره
ترى الضراوي دون وأنت انشدالناس"= "راعيه ما يذكر بخير وغيره
ماله سوى حذوا لحنك منه والياس"= "والى انقطع خرجه فلا له ذخيره
طلب المعيشه بالحراثه والاجناس"= "المشتري والبيع يوصف وغيره
هم انهض العيرات مع كل فراس" ="يادباس دور خير تستشيره
جدك وعمانك هل العز.والباس"= "أهل اللوازم مكرمين القصيره
يادباس ما يصبر على البق والحاس"= "إلا الذي ماله بنجد عشيره
واليوم يامروي شبا كل عباس"= "أنت يا لطام وجيه المغيره
عشرين عام كلها أرجيك يا دباس" ="مثل الغرير اللي تولع بطيره
عد المناكب هيلع فرخ قرناس"= "يمناه فى لطم الحباري شطيره
عانق خلوج روحت عقب مرواس" ="عند العصير لبيضها مستذيره
والليل جاه وحال من دونها الياس"= "روحه على فرقاه فرت فريره
يادباس أنا يابوك مانيب بلاس"= "ميران عيلات الرفاقه كثيره
جنبت وسط السوق وامشي مع الساس"= "وأخذ قليل الحق واترك كثيره
يا دباس لو جبت لى من دحب الاكياس" ="مختلفه ما بين زر ونيره
مالي بها ياجعله بألف قباس"= "ويعلها تذهب ولو هي كثيره
يادباس قلبي كل ما هب نسناس"= "شرقية هبت بقلبي سعيره
والحال يافرز الوغى مسها الباس" ="عليك يا ناطح اوجيه المغيره
وغصون قلبي يا فتى الجود يباس"= " غادي أنا يابوك كني هشيره
من شافني يقول ذا فيه لساس"= "واللي برى حالي إلهي خبيره
لا وعلا من قبل غوال الانفاس"= "وامفارق الدنيا يجينا بشيره
عسى يطق الباب والناس غطاس" ="ياوالي القدره عليك اتعبيره
وصلاة ربي عد ماهب نسناس" ="على النبي عدة احقوق المطيه

وتذكر بعض الروايات أنه بعد مدة قصيرة وفي وقت طلوع الفجر ذات يوم شاهدت ابنة محمد الماء يتدفق في نخل أبيها بعد انقطاعه إلا أنها لاحظت بعض الاحمرار في الماء فذهبت لتخبر والدها الذي صاح فرحا وهو يردد لقد عاد دباس وما هذا الاحمرار إلا دم من أهانوني في غيابه ، وبالفعل صدق حدس الوالد بقدوم دباس وظنه الذي لم يخب في ولده ، فقرت عينه وانزاح همه بوجود ابنه وساعده الأيمن ، وإليكم قصيدة الابن دباس التي أرسلها لوالده قبل قدومه




حــي الـجــواب الـلــي لـفـانـا مـن الـــراس = جـابـــه غـلامٍ مـا تـوانـى مـسـيـره
اهــلا هــلا عـــد مـــا حـبــك قـرطـاس = أومـــا كـتــب فـوقــه بــيــوتٍ شـطـيــره
جــواب منـهـو لــي مــودٍ مــن الـنــاس = ابـــوى مــــا يــوصــف حــلــيٍ لـغـيــره
فـرز الوغـى كنـه علـى الوكـر قرنـاس = قـــــروم ربــعـــه كــلــهــا تـسـتـشـيــره
دلـيــل عـيــراتٍ لــيــا هــــب نـسـنــاس = ثـــم ادلــهــم الــجــو ومــابــه ذخــيــره
مهفي الغنـم لاهـل الركايـب والأفـراس = لا روحــوا لـــه فـــلا علـيـهـم قـصـيـره
راعــي معـامـيـلٍ بـهــا الـعـبـد جـــلاس = لـلـبــن يــشــري بالـسـنـيـن الـعـسـيـره
هــاذي بمـركـاهـا وهـــاذي بمـحـمـاس = وهـــاذي يـصـبــه لـلـوجـيـه الـسـفـيـره
وخـلاف ذا يــا راكــبٍ فــوق عـرمـاس = مـامـونـةٍ مـــن نـقــوة الـهـجـن عـيــره
حمـرا وهـي فـى سنهـا وقـم الاسـداس = مـتـوسـط لا فـاطــر ولا هـــى صـغـيـره
مـاهـي لـحـوحٍ راكـبـه بالعـصـا قـــاس = حـــرّم علـيـهـا غـيــر شــيــل الـنـقـيـره
والـخـرج هــو وبـيـوت قـيـلٍ بقـرطـاس = مــع مـزهـب الأيــام مـــا هـــي كـثـيـره
وفوقـه غــلامٍ منـوتـه قـطـع الارمــاس = لـــو هـــو بـلـيــلٍ مــــا تـغـيــر نـظـيــره
وليـا لفـيـت الــدار فاجـهـر بالاحـسـاس = وبـلــغ سـلامــي كـــل ذيـــك العـشـيـره
وختـص ابـوي اللـي نفـل جملـة النـاس = وخـصّــه بـعـلـمٍ وقـــل تـرانــي بـشـيـره
لا يــا نـقـى الـعـرض يــا بــوي لابــاس = ان كــان تشـكـي الضـيـم فـأنـا اسـيــره
وان سايـلـك عـنــي تـرانــي بـنـومـاس = وأنــا أحـمـد الـلـي مــا توسـلـت غـيـره
الحـمـد لــو يـشـرى شـريـنـاه بـأكـيـاس = بأمـوالـنـا نــرخــص نــــدوّر الـسـتـيـره
مـطــرق فـنـرجـيٍ مضـاريـبـه الـــراس = ومـصـلـبـخٍ جـبـتــه عـسـانــى ذخــيــره
مـن صنـع نصرانـيٍ مشـروبـه الـكـاس = يــذكــر ورى جــــاوه بـعــيــدٍ مـســيــره
أبغـيـه لـلــي حـاديـنـك عـلــى الـســاس = اهــــل الـنـمـايـم والـحـكـايـا الـكـثـيــره
ربــعٍ نــووا فـيـك الــردى والتخـسـاس = مهـبـول يالـلـي قـــال غـايــبٍ عـشـيـره
عـلــي ديـــنٍ لأودع الـجـمــع يـنـحــاس = لـيـن العـشـيـر يـقــوم يـلـعـن عـشـيـره
يـا بـوي انـا مـا رحـت لكيـفـت الــراس = مـــع ذا ولانـــي فـــى سـفــاهٍ أوغـيــره
أمـا سكنـا الــدار مــن غـيـر هـوجـاس = وألا نــعــاف الــــدار ونــــدوّر غــيـــره
كـلــه لعـيـنـا كـلـمـةٍ قـلــت يـــا دبـــاس = تـشـكـي وأنـــا دونـــي بـحــورٍ غـريــزه
خـذ لـك يميـن الشـرع قطـاّع الأنـفـاس = انــــه فــــلا جـتـنــي عــلــومٍ بـصــيــره
لا نـيــب جــانــي ولا حــبــرٍ بـقــرطــاس = ايــضــا ولا جـتــنــي عــلـــومٍ سـفــيــره
ان كان تشكي الضيـق يـا بـوي لابـاس = جــاك الـفـرج يــا بــوي هــو والبـريـره
ولا فـأنـا يــا بـــوي قـطــاع الأرمـــاس = اصبـر علـى الشـدة ولـو هــي عسـيـره
يا مسنـدي يـا بـوي شـف اوكـد النـاس = ثـم أنشـده قـل ويـش هــو فــي مسـيـره
ان كـان مــا يـفـرح صديـقـك بنـومـاس = تـحـرم علـيـنـا الـلــي نـهــوده صـغـيـره
مـدلـول مجـهـول زهــا زيــن الالـبــاس = بـنـت الــذي يـثـنـي لـيــا جـــت كـسـيـره
طـــارٍ يـقــول اظـهــر وطـــار بـجــلاس = قـمـت اشــرب التنـبـاك واثـــره نـكـيـره
ابغـى عسـى الله يبـرد القلـب يــا نــاس = مـــن لاهـــبٍ شـبــت بـقـلـبـي سـعـيــره
ومن كـان لـه غايـبٍ فـلا يقطـع اليـاس = ان قدّر الله جاب علمه بشيره